Tu âs cirût la peraule
bilengâl monolengâl
Tu âs cirût la peraule
sintomo oggettivo
torne indaûr

bilengâl

sintomo oggettivo
  • 1

    loc.s.m. sintom obietîf, segn Copie

    [TS] med. (sintom che il miedi al cjape sù cuntun esam di laboratori o clinic)

monolengâl

segn s.m.
Linie o complès di liniis o figure incidude o che e distache dal colôr dal fonts
sinonims
trat
esemplis
"sul asfalt al jere restat il segn di une frenade di 80 metris"
gjavât fûr di "Frêt" di Agnul di Spere
segn s.m.
Linie o figure, spec. scrite, che e à un valôr simbolic
sinonims
caratar, letare, simbul
esemplis
"la corispondence fra i suns e i segns grafics e à di jessi plui strete che al è pussibil"
gjavât fûr di "La grafie furlane normalizade – Introduzion" di Xavier Lamuela
"[il sisteme di Faggin] par vie dai segns cu lis pipis al compliche la scriture"
gjavât fûr di "Memoriis di politiche linguistiche" di Adrian Cescje
segn s.m.
[TS] (mat.) Simbul di une operazion o di une relazion
segn s.m.
Acjadiment, element, manifestazion e v.i. che al comuniche alc, che al permet di capî, previodi, dedusi e v.i.
sinonims
avîs, dimostrazion, espression, jenfrisegn, spie, segnâl
esemplis
"Jean Arnoux a pene dismot al sintì te arie i segns di alc di gnûf"
gjavât fûr di "Messe di misdì a Varsavie" di Agnul di Spere
"fintremai che un popul [...] al manten la sô lenghe, al è segn che nol à pierdude la sô personalitât"
gjavât fûr di "Un element fondamentâl dal moviment autonomistic" di Josef Marchet
"il tumôr, tal cerviel di Michel, al jere cressût planc a planc e al veve dât i prins segns cuatri cinc agns prime de operazion"
gjavât fûr di "Il cjâf dai furlans" di Franc Fari
segn s.m.
Espression o moviment de muse o dal cuarp che al comuniche alc
sinonims
at, mot
esemplis
"si slontanave di me, fasint un segn di cumiât cu la man"
gjavât fûr di "Il dolfin" di Carlo Sgorlon
segn s.m.
Element doprât par distingui cdn., une robe o un puest di un altri
sinonims
contrassegn, segnacul, segnâl
esemplis
"i âstu metude une piere, une crôs, un segnut cualunche su la tombe?"
gjavât fûr di "Lis predicjis dal muini" di Josef Marchet
segn s.m.
Linie o forme diferente de piel o di une altre superficie lassade di un tai, di une lesion, di une feride
esemplis
"un pît cuntun segn, un tai fat di piçul"
gjavât fûr di "Faliscjis" di Cristina Noacco
segn s.m.
Testemoneance dal passât
esemplis
"des pratichis che a rivuardavin Dionis a Delfi si sa avonde pôc e no nus son restâts nancje segns dal so cult"
gjavât fûr di "Viaç aes origjins dal Logos" di Adrian Cescje
"di doi, trê agns mi interessi dai segns dal om tal paisaç contadin furlan"
gjavât fûr di "Sul troi de poesie visive" di Erika Adami
segn s.m.
Impression, influence, consecuence, che e pues jessi sedi positive che negative (fig.)
esemplis
"un inteletuâl furlan une vore origjinâl, ritignût stramp e utopistic dai siei coetanis, ma che al à lassât un segn pe identitât e pal autonomisim de nestre tiere"
gjavât fûr di "Lis ideis di Achille Tellini om di sience e di autonomie" di Giuseppe Mariuz
detulis
"cuant che i fruts a stan cuiets, al è cjatîf segn"
"cuant che i fruts a stan cuiets, brut segn"
"cuant che i fruts a stan cuiets, segn che a son malâts"
"cuant che la gjaline e cjante, segn che e à fat l'ûf"
"cui che al mostre la robe e no le mole, al è segn che le mostre par fâ gole"
"cui che al viôt, sint e tâs, al è segn che al vûl vivi in pâs"
"cui che si russe al è segn che i spice"
"cui che simpri al lavore al è segn che al vûl lâ in malore"
torne sù
torne sù